05/03/2015 Auereverdeelung zu Schëffleng (14:18)
Am 5. März 2015 hatte der Schöffenrat verdienstvolles Personal, das schon seit zwei Jahrzehnten zum Staff der Gemeinde gehört, auf eine offizielle Feier ins “Centre Associatif Am Rit” eingeladen. Im Laufe des Abends konnte Bürgermeister Roland SCHREINER, umgeben von den beiden Schöffen Paul WEIMERSKIRCH und Carlo FEIEREISEN, sowie mehreren Gemeinderatsmitgliedern, Herrn Josy KOHN, Hausmeister im Hall Polyvalent und Frau Tanja NAEGELEN, Grundschullehrerin, zu 20 Jahren treuen Diensten beglückwünschen.
Juliette CAPUTO-JOHANNS, Norbert CARL, Idette CATTIVELLI, Fabienne DIEDERICH, Guy FEHR, Carlo FEIEREISEN, Albert KALMES, Josy KOHN, Yves MARCHI, Tanja NAEGELEN, Roland SCHREINER, Roger THULL, Paul WEIMERSKIRCH

12/12/2014 Seniorefeier zu Schëffleng (26:59)
Am Hall Polyvalent mécht de Präsident vun der Seniorekommissioun, Pierrot FEIEREISEN, d’Aleedung vun der Seniorefeier a seet den ±550 Seniore fir d’Kommen. D’Veräiner: Foyer de la Femme, de Fraen a Mammen souwéi d’Union des Femmes kréien och villmools Merci gesot fir hier Hëllef bei der Organisatioun vun dësem Fest.
De Buergermeeschter Roland SCHREINER begréisst och de Schäffen- a Gemengerot an all d’Leit, déi komm sinn fir e puer flott Stonnen mat eneen ze verbréngen. Hee schwätzt iwwer Aktivitéiten vun der Seniorekommissioun am Joer 2014, d’Liewensqualitéit a déi nei Projeten vun der Gemeng Schëffleng.
Dëst Joer gëtt de Begleetprogramm op dëser Feier vun der Equipe: Käpt’n Ändä & Matrous K1000 feat. Lisa & The Hüettes an dem jonken talentéierte Schëfflenger Trompettiste Kenji Tex garantéiert.
Juliette CAPUTO-JOHANNS, Idette CATTIVELLI, Fabienne DIEDERICH, Guy FEHR, Carlo FEIEREISEN, Pierrot FEIEREISEN, Käpt’n Ändä, Carlo LEQUIT, Lisa MARIOTTO, Matrous K1000, Roland SCHREINER, Jean SPAUTZ, Marc SPAUTZ, Kenji TEX, The 3 Hüettes, Paul WEIMERSKIRCH

30/11/2014 De Kleesche koum op Schëffleng (05:58)
Den Zuch kënnt op der Schëfflenger Gare un an de Buergermeeschter Roland SCHREINER empfänkt de Kleesche mat senge 6 Engelcher a 5 Houseker ënnert de Kläng vun der HMS Musek, déi dann de Cortège uféieren, deen da Richtung Moartplaz geet. Op der Gemengeplaz sinn 12 Schëfflenger Veräiner, organiséiert vun der Sport- a Fräizäit-Kommissioun an de Chrëschtdags-Haisercher a bidden hier Wueren un. Dëst Joer ass och e grousse liewege Schnéimännchen op Besuch komm.
De Buergermeeschter Roland SCHREINER lueft déi vill brav Kanner a bedauert, dat d’Sonn déi bestallt war leider net op de rendez-vous komm ass.
De Kleeschen ass och frou, well en ëmmer esou gutt empfaang gëtt an invitéiert d’Kanner an den Hall vun der Gemeng, fir hier Tiitchen ze kréien.
Jean-Paul BRAQUET, Idette CATTIVELLI, Lull CLEMENT, Fabienne DIEDERICH, Guy FEHR, Carlo FEIEREISEN, Aloyse HOFFMANN, Sven KILL, Yves MARCHI, Marla MAWE, Roland SCHREINER, Paul WEIMERSKIRCH, Simone WENZEL-MOND

29/11/2014 Hobbymaart (12:35)
Am Hall Polyvalent zu Schëffleng ass den 22. an den 23. déi traditionell Hobby-Ausstellung. De President vun der Kultur-, Sport- a Fräizäit-Kommissioun Yves MARCHI hält d’Wëllkommensried an ass frou dat 43 Aussteller matgemaach hunn.
De Buergermeeschter Roland SCHREINER seet och allen Hobby-Kënschtler villmools Merci fir hiert Schaffen a luet d’Leit op den Éierewäin an.
Zum Schluss goufen och 6 Interviewe mat den Hobby-Kënschtler gemaach

17/10/2014 Soirée des lauréats (1’07:35)
De 17. Oktober hat de Schäfferot an Zesummenaarbecht mat der Kultur-, Sport-, a Fräizäit-Kommissioun déi traditionell Sportleréierung am Hall Polyvalent organiséiert. 297 Sportler a Sportlerinnen aus 23 verschidde Veräiner sinn op dësem Owend geéiert gi fir hir aussergewéinlech Performancen an der leschter Sport-Saison. De President Yves MARCHI, hält d’Erëffnungsried a wënscht alle Sportler an och de Leit, déi eng perfekt Struktur vun de Sportler erméiglechen e schéinen Owend. Fir de musikaleschen Encadrement huet de Jugend-Grupp “Random 5” vun der HMS gesuergt, de Grupp Rock-Akrobatik “Dance Daniel” vum Schëfflenger Turnveräin “Le Travail” an déi jonk a sympathesch Schëfflenger Moderatorin Deborah CECCACCI huet duerch den Owend gefouert.
Marc BIMMERMANN, Jean-Paul BRAQUET, Idette CATTIVELLI, Guy FEHR, Carlo FEIEREISEN, Albert KALMES, Yves MARCHI, Roland SCHREINER, Camille SCHÜTZ, Paul WEIMERSKIRCH,

15/10/2014 Jeunes musiciens – „Musique à l’École“ (08:37)
De Schëfflenger Buergermeeschter Roland SCHREINER a seng Schäffe Carlo FEIEREISEN a Paul WEIMERSKIRCH mam Guy FEHR haten invitéiert fir den Diplom vun dem Aféierungs-Cours 2013/14 fir an d’Musek an der Schoul auszedeelen. Et goufen 9 Kanner geéiert: Anastazie Budinova, Mike Charpentier, Kevin Diogo Oliveira, Anida Hoti, Lea Petesch, Dialouna Peresi, Luc Phu Khi, José Manuel Santos Carvalheiro an Anais Spartelli. D’Coursen guefen ënner der fachmännescher Begleedung vun der Madame Danka PETZOVA ofgehalen.

14/10/2014 Grousse Moart (18:26)
De Buergermeeschter Roland SCHREINER a seng Schäffe Carlo FEIEREISEN a Paul WEIMERSKIRCH begréissen de President vum Moartverband den Här Nicki KIRSCH bei guddem Wieder op der Schëfflenger Gemengeplaz.
En ass frou dat si de Neie Grousse Moart an offizieller Form kënnen opmaachen an erzielt dat de Kleedermoart schonn zënter e Puer Joer all 1. Méindeg an de Frëschmoart zënter 2013 all 3. Méindeg vum Mount ofgehale gouf. Elo soll dann all 2. Méindeg vum Mount dee Grousse Moart ofgehale ginn. Och lueft heen de Schëfflenger Plazmeeschter Roman BERTRANG fir seng gutt a seriös Aarbecht.
De Nicky Kirsch wënscht sech an de Moartverkeefer e gudden neien Ulaf vum Moartwiesen zu Schëffleng. Hee lueft déi frësch Produkter, excellent Qualitéit, Frëndlechkeet a perséinlech Diskussioune mat de Clienten. Och deelt hee mat dat se 20.000 Moartkierf kaaft hunn, fir manner Plastik ze verdeelen.
Et goufen och gratis Croissanten a Kaffi spendéiert.
Den Ofschloss vum Film maachen 9 Interviewe mat Moartleit a Clienten.

17/07/2014 Senioreninfodag zu Schëffleng (23:51)
Am Zelt op der Gemengeplaz zu Schëffleng fënnt ee verschidden Associatiounen, déi deenen eelere Leit weisen, wat fir Hëllefs-Méiglechkeeten do sinn, wann et am Liewen net méi esou gutt geet: Stëftung Hëllef doheem, Héier-Apparat Kind, Laboratoires réunis fir Diabetiker, Help fir doheem gehollef ze kréien, eng Gesellschaft déi sech fir Alzheimer-Patienten asetzt, Telicse fir Alarm-Anlagen a sécher Schlëssel-Këschten oder Damp-Melder, Camille fir begleeten Hëllef doheem an ënnerwee, Newlook: Lieshëllefen a Luppen, Firma Felten: Spezial-Schung, Protheesen a Kretschen, Maison du Diabèthe: Ënnerstëtzung fir e méi gesond Liewen, Omega 90: Palliativ-Hëllef, E Buttek: deen alles ausser Medikamenter huet, rbs-Center: fir Altersfroen, Club-Haus beim Kiosk: Verschidde Club-Aktivitéiten, Senioresécherheetsberoder: an alle Gebieter an d’Pompjeeë vu Schëffleng

22/06/2014 Virowend vum Nationalfeierdag 2014 (27:32)
Am Chouer vun der Schëfflenger Kierch spillt d’HMS ënnert der Leedung vum Dirigent Klaus DEMMLER, de Wilhelmus an de Kierchechouer sengt déi aaner Stroofen aus dem Nik. Welter sengem Lidd.
De Paschtouer François TERZER, ëmginn vun de Club-Fändelen begréisst d’Leit an d’Sonnerie Nationale gespillt vun 2 Trompette begleet vun der HMS mecht de Schluss mat der National-Hymne.
De Cortège ugeféiert vun der Musek bewegt sech duerch d’Stroossen vu Schëffleng iwwer d’Gemengeplaz bei déi extra opgeriichte Bühn vum “Schëfflenger Fest”.
De Buergermeeschter Roland SCHREINER ëmginn vum Gemengerot seet all de Leit Merci vir hier Präsenz an seet dat Schëffleng ≈9.500 Awunner, ±100 Veräiner, 1.000 Schouelkanner, 39% vun de Leit déi eng auslännesch Nationalitéit aus 74 Natiounen huet. Heen ass och stolz op déi Schëfflenger Sportler déi och am Ausland schon Medaille gewonnen hunn. Hee seet: Den Nationalfeierdag ass a bleift fir eis e ganz besonneschen Dag. Mir feieren den Dag vun eiser klenger Natioun, déi fräi an eegestänneg ass. Eis Eegestännegkeet an eis Fräiheet hu mer eis viru 70 Joer erëm erkämpft, a well mer erfuer hunn, wat et heescht, onfräi ze sinn, a vill vun eise Leit fir dës Wäerter bereet waren, hiert Liewen ze
afferen, sollte mer och haut nach hinne mat Respekt géintiwwer stoen. Eisem Grand-Duc Henri a senger Famill wënsche mer op dësem Dag alles Guddes fir d’Zukunft an e weidert erfollegräicht Schaffen am Déngscht vun eiser Natioun.
Elo ass d’Iwwerreechung vun 5 Medaillen an d’HMS spillt an d’Leit sangen d’Heemecht.