Monument zu Esch/Lalleng
Beim ArcelorMittal Portal op der Schëfflenger Schmelz tut et. Bei der Gedenkplaz vum
Streik vun 1942 spillt d’Schëfflenger Musek “Sonnerie aux Morts”.
De Schäfferot vu Schëffleng an Esch/Uelzecht, vertruede vum Nadine KUHN-METZ, Marc
SPAUTZ, Carlo Feiereisen a Pim Knaff verneige sech, duerno kommen eng Vertriedung vun
den “Enrôles de Force, ArcelorMittal an d’Gewerkschaftler.
den Alain GUENTHER seet alle Leit villmools Merci, dat se erëm komm sinn. Hien denkt
un all déi Leit, déi de Streik provozéiert haten a vun de Nazien ëmbruecht goufen.
Hien erënnert un de Konrad Olinger, wou den 2. September 1940 der “Volksdeutschen
Bewegung” bäigetruede wor, an Obmann hei um Site gouf. – Och wor en ongewielten
Delegéierte vun der “Deutschen Arbeitsfront” an huet alles gemaach, wat vun den
Okkupante gefuerdert an duerchgesat gouf: D’Aarbechts-Kolleege bespëtzelt a bei de
Nazien denoncéiert. Wéinst der Sabotage-Gefor (déi huet misse vermidde ginn) koum de 25.
Oktober 1940 de Befeel, dat alleguer d’ARBED’s-Aarbechter (±3000) der “Volksdeutschen
Bewegung” sollte bäitrieden. – 1323 Leit goufen do Member an hu misse bei all Mani –
festatioun vun de Nazien deelhuelen. Den Denis NETGEN (Schlesser vu Beruff) huet sech
geweigert. – Bei der Befreiung vum Land war de Konrad Olinger fir ëmmer verschwonnen.
Den CEO Pierre JACOBS vun ArcelorMittal och iwwer d’Affere vun dësem Streik a Krich,
wou 116 Granat-Treffer beim Beschéisse vun der Maginot-Line ongewollt op ARBEDSchëffleng gefall sinn. Hien biet d’Leit un si ze denken a seet dat mer mussen oppassen, dat
déi Zäit net ëmmer stabil bleift an dat mer mussen oppassen. Am Ukraine-Krich hunn och
erëm couragéiert Leit vun der Beleegschaft aus der Firma ArcelorMittal zu Krivyi Rih sech
gemellt fir hier Familljen an Heemecht ze verdeedegen. – Komm mir denken och un si.
De Carlo Feiereisen, neie Buergermeeschter vu Schëffleng begréisst de Minister Georges
MISCHO, Éiere-Chamberpresident Jean SPAUTZ, zukünftegen Éiere-Buergermeeschter
Paul WEIMERSKIRCH an all déi Leit déi um feste Gedenkdag vun eise Gemengen do sinn.
– Den Opruff zum Streik hunn 21 Leit mam Liewe bezuelt, 500 Mataarbechter waren dem
Appell nokomm an haten hire Posten op der Mëttesschicht verlooss. – 83 Joer nom Streik
muss de Kampf vun den Ideologien an de Wäerter géint d’Diktatur ëm dat wou een all Dag
muss kämpfen, dat dat net méi erëmkënnt, wat deemools war. – Mir wëlle bleiwe wat mir
sinn.
De Schäffe vun Esch-Uelzecht Pim KNAFF erënnert och un de Streik a seet dem
Schmelzaarbechter och Merci, dat si all Joer des Mémoire oprecht erhalen.
Monument am Parc Koullen zu Schëffleng
Beim Fräiheets-Denkmal am Park Léonie Koullen: Och hei geet d’Sireen an d’Schëfflenger
Musek spillt “Sonnerie aux Morts”. No dem Verneige vun de verschiddene Gremie beim
Denkmal gi mer op d’Gemeng an de Sall Grand-Duc Jean, wou al Plakaten aus der Zäit vum
Streik opgehaange sinn. Den neie Schëfflenger Buergermeeschter Carlo FEIEREISEN
schwätzt a kuerze Wieder iwwer déi Zäit vum Streik an dat d’Solidaritéit méi staark kann si
wéi d’Angscht virun der Ënnerdréckung – E Signal, wéi wichteg dat ass zesummen ze stoe
fir Fräiheet, Gerechtegkeet a Mënschlechkeet. Leider ass de Krich no 83 Joer an Europa
erëm ukomm. Et ass e Kampf an engem Konflikt zwëschent Westen an Osten. Demokratie
ass keng Garantie zwëschent Fräiheet a Fridden. De Streik soll eis ëmmer dorun erënneren.

De Cortège gëtt ugeféiert vum Pompjees-Corps virun der Harmonie Municipale vu
Schëffleng, dem Schäffen- a Gemengerot an de Veräiner vu Schëffleng.
Op der Gemengeplaz ass eng Bün nieft den Drénk- an Iessbuden opgeriicht ginn an de
Buergermeeschter Paul WEIMERSKIRCH hält seng Groussherzog-Gebuertsdag-Ried.
D’HMS spillt d’Nationalhymne, déi och vun de Leit gesonge gëtt.

Eng ronn 120 Leit haten sech an der Salle Grand-Duc Jean zu Schëffleng afonnt.
D’Spriecherin Kany TOURÉ an den Orchester DUO NOVA féieren duerch den Owend.
D’Aleedung mécht de Buergermeeschter Paul WEIMERSKIRCH.
Den Archivist Daniel JORDAO erkläert wéi déi kulturell Diversitéit hei am Land an an de
Nopeschlänner gefeiert gëtt.
D’Eline Bleser mécht sech hir Gedanken iwwer de Nationale Feierdag an iwwer
d’Bezéiungen zou den Auslänner a punkto Gemeinsamkeeten an ideologesch Fräiheet am
Lëtzebuerger Land.
De Muhamed COLOMAN (Bosnien) erzielt seng 10-järeg Geschicht vum neien Ufank zu
Lëtzebuerg a elo dat méi einfacht kulturellt Zesummeliewe mat der Leit zu Schëffleng.
D’Li TROES schwätzt och vum Zesummeliewen an Austausch zwëschent de verschiddene
Natiounen zu Schëffleng.
De Joé HOFFMANN seet dat dat interkulturellt Zesummeliewen dat wichtegst am Liewen
ass, an dat een dat pfleegen a verstoe muss.
Duerno kënnt de Carlo FEIEREISEN, dee frou ass ze lauschteren, wéi d’Jugend d’Zukunft
vum Land gesäit. Hien ernimmt awer och de Trounwiessel am Land a Wiessel op der
Schëfflenger Gemeng. – Hien lueft de Paul fir seng Mënschlechkeet, säin Engagement, dass
him d’Wuel vun de Matbierger wichteg war, säi Respekt a Vertrauen, als Mënsch mat senge
Prinzippien an oppenem Ouer an den onermiddlechen Asaz fir eis Gesellschaft wärend 28
Joer an der Politik zu Schëffleng. – Als Ofschloss versprécht hien, falls e Buergermeeschter
géif ernannt ginn, dat hien an der 1. Gemengerotssitzung géif plädéieren, fir de Paul zum
Éiere-Buergermeeschter ze ernennen.
Jidderee kritt e grousse Merci gesot an 2 Strophe vun der Heemecht gi gesongen.