Hidden Sessions. De Weekend vum 3. a 4. Dezember 2022 huet déi véierten a soumat leschten Editioun vum Projet „Hidden Sessions“ am Kader vum Kulturjoer Esch2022 zu Schëffleng stattfonnt.

Clôture du Projet Interreg “Alzette, objectif Qualité”

Den 31. August 2022 huet de Schäffen- a Gemengerot vun der Gemeng Schëffleng, zesumme mat der Stad Esch op den 80. Gebuertsdag vun der Streikgedenkfeier invitéiert fir den Affer vum Generalstreik vun 1942 ze gedenken. D’Feierlechkeeten hunn a Präsenz vu Vertrieder vun der Ligue Luxembourgeoise des Prisonniers et Déportés politiques (LPPD), den Enrôlés de force, dem Syndicat d’Initiatives et de Tourisme (S.I.T), de Gewerkschaften a Veräiner, esou wéi dem Musée de la Sidérurgie « De Schmelzaarbechter » a FerroForum stattfonnt. Mat der Kranznidderleeung zu Schëffleng hunn d’Festivitéiten ugefangen. Dono ass et beim Lallénger Portal zu Esch, ënnert der Regie vun der Amicale Schmelzaarbechter-Musée, ronderëm de Präsident Alain Günther weidergaangen, a genau ewéi virun 80 Joer, wou d’Aarbechter zum Streik opgeruff gi sinn, ass um Punkt 18:00 Auer d’Sireen gaangen.

A senger Usprooch am Pompelhaus um ale Site vun der Arbed huet de Buergermeeschter Paul Weimerskirch betount, datt mir déi Leit éiere wëllen, déi sech fir Fridden a Gerechtegkeet staark gemaach hunn. Weider Riede goufe vum Här André Zwally, Schäffe vun der Stad Esch, dem Här Yves Biwer vun der AGORA an dem Här Pierre Jacobs vun Arcelor Mittal gehalen, mat musikalescher Begleedung vum Eric Gherardi.

Gaming Day zu Schëffleng organiséiert vun der Jegendkommissioun 09/07/2022

Haut sinn eis Tiny Haiser aus Krakau (Polen) vun der Firma Polygone an d’Drusenheimstrooss geliwwert ginn.

Et handelt sech ëm dräi fäerdeg miwweléiert Logementer, déi jeweils 35m2 Plaz fir eng Famill mat Kanner opweisen, ganz ekippéiert mat Better ënnert an iwwert der Mezzanin, Klimaanlag, Foussbuedemheizung, asw.

Soubal d’Uschlëss gemaach sinn, kënnen 3 ukrainesch Famillen eraplënneren.

“D’So vum Marxeweier”. Eng Schëfflenger Legend gëtt erëm opliewe gelooss. Dëse Projet fir Jonk & Al, Déck & Dënn léisst op Basis vun enger aler So eng ganz Rei Attraktiounen entstoen. Niewent engem flotten Trëppeltour, pedagogeschen Erklärungen, engem neie Schëfflenger Lidd gouf och fläisseg un engem Buch geschafft. Eis Wäerter vu gëschter, sinn och haut nach aktuell.

Kommt an entdeckt mat eis zesummen d’So vum Marxeweier…

Mit dem ,Zukunftsdiplom (ZD) des Schifflinger Jugendhauses möchten wir dazu beitragen, dass Jugendliche viele solcher Lern- und Beteiligungsmöglichkeiten in unserer Gemeinde erhalten und sie die hierbei erworbenen Kompetenzen neben ihrem Schulzeugnis als Qualifizierungsnachweis und als ,”Türöffner” für lokale Praktikumsstellen, Ausbildungs- oder Minijobs oder für soziale Dienste nutzen können.

Bereits jetzt wird dieses Projekt des Schifflinger Jugendhauses von der Gemeinde Schifflingen, vom luxemburgischen Bildungsministerium und vom Service National de la Jeunesse (SNJ) unterstützt.

Modulbau op Hudelen Phase 2
Am Kader vum Projet “Bildungslandschaft Schëffleng” huet de Schäfferot e Freideg, de 4. Mäerz 2022 déi fäerdeg Modulbau-Struktur op Hudelen de Membere vum Gemengerot, dem Schoulservice, der Schoulkommissioun, der Maison Relais, der Elterevertriedung, de Schoulpresidenten, dem Schouldirekter an der Press virgestallt.

D’Phase 1 vum Modulbau, déi haut fir 90 Kanner aus der Maison Relais genotzt gëtt, gouf schonn am Dezember 2020 opgeriicht a virgestallt. Dëst ass als Iwwergangsléisung geduecht fir Plaz ze schafen bis datt d’Bildungshaus op Hudelen (geplangt fir September 2024) fäerdeg ass. Deen zweete Module gouf elo direkt un d’Struktur ugebaut a soll ab der Rentrée 2022 vun 10 Klassen aus der Lydie Schmit Schoul genotzt ginn. Sou kënnen d’Aarbechte ronderëm den Ëmbau vun der LS-Schoul ufänken. Déi aner 12 Klassen wäerten déi Zäit an der Albert Wingert Schoul ënnerkommen.

No e puer Wierder vum Här Buergermeeschter zum ambitiéisen Dossier an enger emotionaler Reflexioun iwwert d’ukrainesch Krichsaffer, huet MC Luxembourg op en Tour duerch déi zwee Modulen invitéiert.

No den techneschen Erklärungen stoung dee méi festlechen Deel um Programm. De Schäfferot huet schwéier geschëppt fir e Birebam um Site an de Buedem ze planzen an d’Kanner aus der Maison Relais hunn hir Hännofdréck op faarweg Aart a Weis op der Fassad veréiwegt. Elo ass dëse provisoresche Bau fir déi nächst Joeren nach e gutt Stéck méi schéin a symbloesch gepräägt.

Chèque Iwwerreeschung un “Médecins du monde” zu Schëffleng

Kuck a Klick – Sécherheetsdeeg
Et ass déi 5. Kéier wou d’Schëfflenger Gemeng zesumme mam Centre de Formation pour conducteurs de Kuck a Klick organiséiert.
D’Schoulkanner aus dem Cycle 2.1 hu gutt opgepasst wéi d’Madamm Dammé an den Här Meder hinnen d’Welt vum Stroosseverkéier, duerch flott Aktivitéiten a Spiller, méi no bruecht hunn. Insgesamt wäerten wärend deenen 3 Deeg, 8 Klassen an 112 Kanner aus 3 verschiddene Schoulen (Nelly Stein, Lydie Schmit an Albert Wingert) um Event deelhuelen.
Zil ass et fir d’Kanner op d’Geforen vum Stroosseverkéier opmierksam ze maachen, an dëst net nëmmen aus der Siicht vum Foussgänger , mee och als Bäifuerer am Auto.

Den 7. Februar 2022 huet de Schäfferot zesumme mat de Memberen aus dem Gemengerot de ville Leit déi un dësem Projet bedeelegt ware Merci gesot a sech e Bild vun dem flotte Parcours gemaach