d’So vum Marxeweier 2 Deel. Et war gutt waarm e Sonnden am Schmëttbësch an et huet gewibbelt vu Leit op der Aweiung vum pluridisziplinäre Projet ronderëm d’So vum Marxeweier. Dëse Projet fir Jonk & Al, Déck & Dënn léisst op Basis vun enger aler Legend eng ganz Rei Attraktiounen entstoen. Niewent engem flotten Trëppeltour, pedagogeschen Erklärungen, engem neie Schëfflenger Lidd a schéine Skulpturen, gouf och fläisseg un engem Buch geschafft.

Kommt laanscht an entdeckt d’So vum Marxeweier an déi nei amenagéiert Quell am Schmëttbësch!

En SchiPass vir d’Leit vu Schëffleng. Heimat kënnen d’Leit an déi Schëfflenger Geschäfter akafe goen a kréien hei e Stempel fir dann e Cadeau ze kréie wann se eng Säit voll hunn. Dëse SchiPass gouf vun der ACAS an der Gemeng Schëffleng hei presentéiert.

De Prof. Dr. Gilles Reckinger, e lëtzebuergeschen Anthropolog (gebuer 1978), weist an dëser Ausstellung eng beandrockend Fotoreportage iwwert seng Recherchen a Kalabrien. Seng Fotoen dokumentéieren d’Realitéit vun afrikanesche Migranten, déi no enger geféierlecher Mëttelmieriwwerfaart an Orangenplantagen em hir Existenz kämpfen.